Il est impossible de tourner la jambe depuis le genoüil en bas, sans tour- ner aussi la cuisse par le mesme mouuement; & cela vient de ce que la ioin- ture de l'os du genoüil est emboitée dans l'os de la cuisse, & assemblée auec celuy de la iambe, & cette iointure ne se peut mouuoir en auant ny en arrie- re, qu'entant qu'il est requis pour cheminer & s'agenouiller: mais elle ne peut iamais se mouuoir par le costé, parce que les assemblages qui compo- sent la iointure du genoüil ne s'y trouuent pas disposez: car si cét emboi- tement estoit plyable en tout sens, comme celuy de l'os adiutoire qui est â l'espaule, ou comme celuy de la cuisse ioignant la hanche, l'homme au- roit le plus souuent les iambes pliées aussi bien par les costez, que du deuant en arriere, & presque tousiours de trauers; & de plus cette iointure ne sçauroit passer au delâ de la droiture de la iambe: mais elle est seulement plyable en deuant, & non en derriere, parce que si elle plyoit en der- riere, l'homme ne pourroit se leuer en pieds quand il se seroit agenoüillé, dautant que pour se releuer de genoüil, il iette premierement tout le faix du corps sur l'vn des genoüils en deschargeant l'autre, & au mesme temps l'au- tre iambe qui ne sent plus d'autre charge que son propre poids, leue aisément le genoüil, & pose â terre toute la plante du pied: aprés quoy il fait retour- ner tout le poids sur ce pied, s'appuyant la main sur son genoüil: & tout d'vn temps alongeant le bras qui soustient le corps, il hausse la teste, ainsi il estend & dresse la cuisse auec l'estomac, & se leue droict sur ce pied qui pose â ter- re, iusques â ce qu'il ait aussi leué l'autre iambe.